Путешествия в Святую Землю. Записки русских паломников и путешественников XII-XX вв. - Коллектив авторов Страница 26

Египте Царь некто Чиркизской, имя ему Гаврило, а неверием сый Турчанин, вельми зол на христианы, злее нынешних Турков, и имеяше у себя врача жидовина хитра суща. Дивно же бо поведати о древнем папе и патриархе Иоакиме Александрийском, и о его терпении. Той врач жидовин восхоте всех Християн во Египте погубити и искоренити, но не возможе злыя своея мысли изложити и совершити, и пришед ко Царю, Египетскому Гаврилу, и глагола ему: Царю! живут у тебя Христиане во Египте, и не достоит им жити на той земле, зане погани суть, и неправая их вера. И вели им свою Турскую веру держать, или нашу жидовскую. И рече ему Царь: аз бы их до вечера потурчил, да есть у них патриарх старец, а сказывают его свята; и аз того блюдусь. И рече ему жидовин: не блюдися ты, царю, того старца; дай мне в руку, и яз ему дам зелия такого поллошки испити, и он в полчаса жив не будет. Царь же рече ему: аще сего старца предаси смерти, то всех християн потурчу, или смерти предам их. И повел Царь патриарху быть к себе. Патриарх же прииде пред Царя. И рече ему жидовин: старче! Остави свою веру, и веруй в турскую, или в нашу прямую веру Жидовскую; а ваше непрямая, християнская вера. Патриарх же отвеща к Царю: мы вашея турския веры не хулим, и жидовския не хулим же; а наша прямая православная христианская вера добрая. Жидовин же рече патриарху: правда ли в ваших книгах написано: аще что смертно испиют, не вредит их? Патриарх же рече: истина есть, правда написано. Жидовин же рече: аще то правда написано у вас: можешь ли у меня испити смертное зелие за свою веру? Патриарх же рече: готов есть за Христа моего умрети и за православную веру. Давай что хощеши в сий час. Врач же жидовин рече Царю: Царь, дай мне до такого же дни сроку, и аз дам ему смертное зелие. А прение у них было в Воскресение Христово. Царь же повел патриарху в таков день быти пред собою. Патриарх же призвав, пришед в дом свой, всех християн, и сказа вся, что ему прение было пред Царем со врачем жидовином. И рече им патриарх: отцы и братия! помолитесь Богу и Пречистой его Матери, дабы сохранен аз был от беззаконнаго жидовина за православную веру. Иду прежде вас к небесному Царю, Иисусу Христу, и умолю о вас небеснаго Царя, и восприимите сугубые венцы от руки Господня; аще и муку примите, но будете новии страстотерпцы в нынешнем роду; а не мозите, братия, отступите от православный веры, и приимите скорбь мою на радость. Они же, падоша на нози его, со слезами глаголюще: владыко! не остави нас, дабы и мы ту ж смертную чашу пили, которую ты имащи пити. Не мни, владыко, яко бы нам отврешись истинныя веры Христовы; аще ты смерти предан будешь, то не един от нас изыдет из царскаго двора, смерти не вкусив. И пришедши в домы своя затворишась на всю неделю, не исхождаше из домов своих, и молишась Богу со слезами. Патриарх же всю неделю пребываше в посте и молитве, и мало сна приимаше. И паки прииде Воскресение Христово, и иде к заутрени, к Чудотворцу Николаю, и ста на своем обычном месте, и скорбяше о том, како ему пить смертное зелие, и вельми смутись о том. И на 9 песни о посохе стоя, и воздрема мало, и видя чрез сон из алтаря исходящу жену в белых ризах, и две юноши с нею. Жена же прииде к нему к месту, к патриарху, и рече ему: старче, не бойся, дерзай; аз есть с тобою. Он же возре и видя священника пред собою стояща с кандилом. И прииде патриарх ко иконе пречистыя Богородицы, и падоша, поклонися до земли со слезами и прослави Бога. И в той же час отъиде от него скорбь, и прииде на сердце его радость велика. Он же отпел утреннюю, и служил сам патриарх Иоаким литургию, и причастися Божественных Таин, и многие христиане, мужи и жены, взимают от святыя его руки Божественных Таин, готовяхуся на смертный час с патриархом. Патриарх же благослови их своими руками и прослезился пред ними, и моля их, дабы не отверглись Христа истиннаго Бога; они же со слезами и воплем великим возопиша и целовахуся радостно и обещахуся ему едину с ним смертную чашу пити, и кровь свою за Христа пролияти. Патриарх же радости наполнись, и иде пред Царя во всей святительской одежде на смертный час, и христиане идоша с ним, мужи, и жены, и малыя дети. До царскаго двора 3 версты ходу от церкви святаго Николая, и много народу в след идоша, Маркияне, Арабы, Латыни, Копты, Маруни, Арияне, Несторияне, Яковиты, Тетродиты, и всех вер людие видети, что над християны будет. Патриарх же со християны в палату пред Царя прииде. В палате же многие люди, паши и санджаки, и туто окаянный жидовин. Кубок же стояше на окне полон отравнаго зелия. Патриарх же в палату вшед, три поклона сотвори на восток и глаголя: Царю! вели дати повеленною тобою; готов есмь за Христа моего умрети и смертную чашу пити. Царь же отвеща: не с нами тебе прение было о вере, но мы тебе даем ту чашу пити. Жидовин же взем кубок, принесе к патриарху полн отравнаго зелия, вверху кубка исполнено пеною. И рече жидовин к патриарху: возьми сию чашу и пей; аще будет правая вера ваша, и ты будешь жив, и цел, неврежен; аще не будет правая вера ваша, и ты смерти вкусишь. Святейший же патриарх, прииме чашу, прослезися в той час, и сотвори молитву, и знамена крестом чашу, и дунова, и абие отступи пена, и показашесь в чаше вино красное. Христяне же на царском дворе кликнуша со слезами: владыко! помилуй род християнский, и начаша зваши: Господи помилуй! Патриарх же испи чашу до дна и абие показася ему вино сладкое, хорошее, и неврежен бысть патриарх весь цел. И рече патриарх: Царю! вели мне дати мало воды. И просветися лице его яко солнце, и вси начаша дивитись о красоте лица его. И пронесоша ему воды мало. И влияша воду в кубок, и пополоскав мало, и принесе к жидовину и рече ему: аз от твоея руки, от добрыя веры, пил есми смертное